مشرحة

Boomp3.com


المكان : جامعة القاهرة
هافوك: ماتيجي يبنى الكلية عندنا مرة
صلاح: لا يعم .. هاجي اعمل ايه
هافوك : الناس هناك عايزين يشوفوك كلهم
صلاح: ناس مين ؟؟
هافوك : الاعضاء بتوع ساحة طب الى خبطت فيهم و قلت عليهم شرذمة
صلاح: :D و عايزنى اروحلهم برجلى
هافوك : ماتخافش .. و بعدين عايز ادخلك المشرحة .. الواد صاصا كان هيموت لما دخلها
صلاح: لا عادى مش بخاف ممكن ادخلها عادى
هافوك : دانت هيغمي عليك لو دخلتها
صلاح: هو صاصا راح معاك قبل كدا ؟
هافوك : اه جالى الكلية مرة و كان هيموت فى المشرحة .. هاا ماتيجى ؟؟
صلاح: ماشى بس تتراح ازاى دى ؟
هافوك: بص هاتركب حاجة للجيزة و بعدين اركب ميكروباص السيدة زينب قوله عايز انزل القصر العينى
صلاح : هم عارفين الكلية يعنى ؟
هافوك : ايوة معروفة جدا
صلاح: طيب امتى ؟؟؟
هافوك : السبت الجاى الساعة 11 .. هقول لصاصا برضه ييجى
صلاح: شغال


المكان: أمام باب كلية الطب - الزمان: الساعة 11.45
صلاح: الو .. ايوة يا صاصا انتو فين ؟
صاصا: انت عند الباب ؟
صلاح: اه
صاصا: طب استنى هنطلعلك دلوقتى
شوية كدا
هافوك : يلا بينا
صلاح: هندخل عادى ؟ مش بيسالو على كارنيهات
هافوك : كارنيهات مين يابا .. انا معيش كارنيه اصلا
هافوك: اهو بص .. دى المشرحة يلا ندخل
صلاح: من أولها كدا ؟؟؟ لا خليها بعدين
هافوك: انت خايف ولا ايه ؟
صلاح: لا عادى يعنى بس الاول نصلى الظهر و نقعد شوية
مسجد كلية طب
هافوك: خلى الكوتشى بتاعك قدامك عشن الجزم هنا بتتسرق
صلاح: قشطة عليك
صلاة الظهر..و الامام باله طويل قوى.. الركوع دقيقة و السجود دقيقتين و مفترض اننا بنقرأ جزء فى الركعة الواحدة
بعد الصلاة ..
احد المصلين: يا عم حرام عليك !!!! داحنا مرضى !!
هافوك: دا مصطفى صاحبى .. مسجل على المنتدى باسم ظل القلم
صلاح: ايه ؟؟
ظل القلم : ظل القلم .. ظظظللل الللقلللممم
صلاح: اهلا اهلا .. انا خطاب
ظل القلم: ياه انت خطاب .. مكنتش متخيلك كدا
صلاح: شفت
هافوك : يلا نروح نقعد شوية
صلاح: هو دا بقى المقر بتاعكو ؟؟ دكة ؟
هافوك : شفت
صلاح: دانتو غلابة بقى .. امال فين الناس الى عايزة تموتنى دى
هافوك : تلاقيهم عندهم راوند دلوقتى
صلاح: و انت الفاشل الى فيهم معندكش محاضرات
هافوك : يلا على المشرحة
صلاح: ماتستنى ناكل الاول .. ولا عايز نفسى تتسد و مخليكش تعزمنى
هافوك: اصل شوية كدا و بتوع سنة اولى هيدخلو سكشن المشرحة ومش هنعرف ندخل
صلاح: طب يلا
الطريق الى المشرحة
هافوك : شكلك خايف .. يللللللااااا
صلاح: اهمد بقى
صلاح (فى سره) : بسم الله الرحمن الرحيم * الحمد لله رب العالمين *
هافوك: هتشم ريحة الفورمالين هيغمى عليك
داخل المشرحة
انا بتجول فى المشرحة و بتفرج على الجثث عادى بكل ثقة و هافوك عمال يبصلى مستنى يشوفنى خايف
صلاح: ماتستنى نقعد شوية كمان
خارج المشرحة
Boomp3.com
صلاح: وشك احمر ليه ؟ قعدت تقولى هتخاف و هتموت .. شكلك وحش :P
هافوك : حظك انهم كانو لسة متشرحوش
هافوك: يلا نروح ناكل فى البغل
صلاح: فين ياخويا ؟
هافوك: البغل دا اشهر مطعم هنا .. اشد فول تاكله فى حياتك
فى البغل
صاصا: انا هاخد سندوتشات
هافوك : لا يعم كل واحد يجيب طبق فول و ندوس
صلاح: هانعك يعنى ؟؟ طيب قشطة
ظل القلم: ايوة و ماله .. بس دوقه و ادعيلى
صلاح: مين الراجل الى عدا دا ؟؟ دا البغل الكبير ؟
.....
هافوك: الحمد لله .. حد هياكل تانى
صاصا: لا كفاية كدا انا مش قادر اكمل البطاطس
صلاح: اديه لهافوك مش هيقول لأ

في الكلية تانى
هافوك: الليثي اهو الى جاي دا
صلاح: دا الليثي ؟؟
هافوك: اه دا هيخنقك
صلاح: طب سلام انا بقى
الليثي: انت بقى خطاب
صلاح: ايوة
الليثي : انت الى قلت علينا .. ايه ؟ كلمة غريبة كدا
هافوك: شرذمة
صلاح: اه
الليثي : اهلا اهلا .. نورت الكلية يا راجل

--------
هافوك : يا رجالة دا خطاب بتاع المنتدى
صلاح: خلاص يا عم انت هتشرد ليه
-------
هافوك : تعرف محمد عباس ؟
صلاح: لا مين دا ؟
فاهوك : دا منشد من عندنا فى الكلية .. مسافر الامارات قريب ان شاء الله عشان يمثل مصر فى مسابقة منشد الشارقة دا برنامج زى ستار اكاديمى كدا بس للمنشدين طبعا
صلاح: طيب جامد
هافوك: اهو دا محمد ... عايزينك تسمعنا نشيد كدا يا محمد

Boomp3.com
محمد عباس: محمد .. فوق جبيني
محمد..حبك دينى
محمد قرة عينى .. هاك يمينى .. سلااااام

هافوك: ايه رايك فى صوته ؟
صلاح: لا جامد جدا ما شاء الله

----------

صلاح: يلا بقى نشد
صاصا: اه يلا عايز اروح
هافوك: طب يلا نازلين الجيزة مش كدا ؟
صاصا: اه
صلاح : يلا ناكل فى ابو عماد
ظل القلم: يلا
في ابو عماد
صلاح : لما انت مش قد الطبق ابو 4 جنيه بتجيبه ليه و عاملى فيها واعر قوى
صاصا: مش هنقوم الا لما تكمله ..
صلاح: دانت هتتشرد على المنتدى كمان
هافوك : لو كتبت حاجة على المنتدى هخنقك
على الماسنجر
صلاح: ولا شوف دا كدا
http://www.alltalaba.com/board/index.php?showtopic=51414&st=0
هافوك : جرررررررررر

you lite egybt

في شركة تيلى بيرفورمانس .. الساعة 5
صفاء : انهاردة في اوفر تايم .. هنقعد ساعة زيادة
صلاح: لا مينفعش لازم امشى حالا
صفاء: معلش اقعد الساعة 6 كلنا هنمشي
صلاح: مينفعش انا لازم اكون 6 في الدقي
صفاء: ليه رايح فين ؟؟ شكلك هتقابل بنوتة
صلاح: لا خالص بس حاجة مهمة فعلا
صفاء: طيب على الاقل اقعد لحد 5.30 و بعدين امشى
صلاح: ماشى
الساعة 5.30
محمد: محدش يمشى يا جماعة انهاردة القبض
صلاح: !!!!!!!!!!!!!
صلاح: مينفعش امشى و اقبض بعدين ؟
محمد: هتضطر تروح المعادي .. استنى اقبض دلوقتى
صلاح: !!!!!!!!!!
الساعة 6
يا رب يا مسهل

الساعة 6.30

اخيرا !! جاتكوا ال ...
لا و المرتب ناقص كمان
يلا الحمد لله

الساعة 7.10 مركز لغة انجليزية في الدقي
Emmy: Helloo
Salah: hello , i'm so sorry for being late but i got stuck at work
Emmy: You are always late
salah: I'm sorry again
Emmy: we are having here some kind of a T.V show , those are the announcers and u r the next caller ,
Salah: okay
Hashisha: hello ?
Salah: hello who is that
hashisha: LOL
emmy: nooo u r the caller , its a tv show
Salah: ahaa okay .. hello
hashisha: Hi , who is that
Salah: I'm Salah
Hashisha: hi salah , were you following from the beginning
Salah: not really i'm just back from work I've no clue what's going on actually
Hashisha: okay we are discussing the "dream girl/guy" now, tell us about your dream girl
Salah: Okay she's short , good cooker , religious , smart , sophesticated
emmy: wow short ? why short
salah: because i like them short
bla bla bla
bla bla bla
emmy: we are done with the program .. it was really nice
emmy: so what we are having here now
omar: salah and me are ready with the scene
emmy: really ? that's great , dig in
Salah: hold on a second i've to revise the script
emmy: it's okay
انا بقلع النظارة و بلبس الايس كاب .. تنكر يعنى
omar: the scene is between an egyptian guy and a foriegn reporter ,, she's interviewing him down the street
emmy: okay go

المشهد يبدأ :
Omar: Hi
Salah: We 3alkom el salam ya 2otta
Omar: Do you speak English?
Salah: Berfect
Omar: Do you mind if I interview u?
Salah: No, I don't have a mind
Omar: What's your name?
Salah: Salah
Omar:..so. how do you find life here in Egypt?
Salah: Egybt..very nice cantry..nice wezar..nice food..byramidz
Omar: oh well..beside the weather and the pyramids..what else
do you like in your country?
Salah: Byramids,nice wezar,nice food
Omar: Ok..let's move on..what do you do?
Salah: I am very well, sank you
Omar: No, I mean do you have a job?
Salah (looking around him and whispering): Jobat?..no I don't have
any(jobat)..lessa mastaba7nash..do you have a (job) with you?..we
can esmoke it in my car..dont warry about bolice
Omar: Oh my god, DO YOU WORK?
Salah: Yas yas..Taxi drivar
Omar: What do you think about the traffic problem in egypt?
Salah: Very big broblem..very much cars..you see?..but za guvurment is trying to make it bettar..zey did za circle street and za me7war street..and zey make all streets one way so if you go..you cant come back..niahahaha3
Omar: What about the economic problems in Egypt?
Salah: I do not undurstand what u say
Omar: I mean..how do u deal with money problems in Egypt?
Salah: No NO NO..Egybt very rich cantry...we have alot of
cotton..alot of water..and we have byramidz
Omar: So do you make a lot of money?
Salah: No no.. it is not legal to make money..one frend I know make money at home..and he go to brizon..if you make money at home..you can only give it to za banzeena man..zey take any money
Omar: let me rephrase..since Egypt is a rich country.. do you
have a lot of money?
Salah: me?! ..Not alot..but I eat and drink Al7amdulelah?
Omar: Then where does all the money go?
Salah: Guvurment
Omar: And what does the government do with the money?
Salah: Zey Build circle street,me7war street and make all streets
one way
Omar: well, Ok...Do you vote?
Salah: What duz zat mean?
Omar: Do you choose your president
Salah: Mubarak?
Omar: yes
Salah (nervously): I didnt give my voice..but if I was..i will give
him my voice
Omar: Why him?
Salah: Because he was an airoblane in za war..he waz za leadar
airoblane
Omar: But there are no wars right now
Salah: But if we have war..you see?...we know we will have a very
good airoblane in it
Omar: what about the last 26 years ?
Salah: I got marry..and have 3ala2 and Amira..and drive taxi
Omar: No, I meant what did Mubarak do for Egypt in the last
26 years
Salah: He build circle street, me7war street and make all streets
one way
Omar: Thank you very much for your time Mr. Salah
Salah: No broblem,only 10 bound
Omar: I never said I will pay you for this
Salah: Ok..just give me the (job) then..we smoke, and make head
Omar: Grrrrrrrr
Salah: ok ok..need a Taxi?

The whole class : LOOOOOOOOOOOOL

emmy: wow that was soooo funny
Salah: No problem ,, u lite egybt

التنين الحــراق

Boomp3.com

ضياء : ألو ممكن أكلم صلاح ؟
صلاح: أيوة يبنى ازيك
ضياء: ابو صلاح ابن الناظر .. بياع بياع بياع
صلاح: ليه كدا يا عم
ضياء: مابتتصل ولا تسأل ولا اى حاجة
صلاح: مانت عارف بقى كدا و بتاع .. المهم ايه اخر الاخبار
ضياء : مفيش .. مبتجيش الجامعة ليه ؟
صلاح: نفض ..
ضياء : يبنى احضر
صلاح: الدكاترة خلصو ولا لسة ؟؟
ضياء: جمال صابر هيخلص التلات الجاي
صلاح : و طه الطاهر ؟؟
ضياء : لسة قدامه سنتين .. دا بيقول الكتاب كله مقرر !!
صلاح: قشدة .. انت فاهم حاجة فى البحوث ؟
ضياء : اه يعم هي سهلة بس محتاجة تركيز
صلاح: طب اسمع انا عايزك تشرحهالى عشان مش داخلة دماغي خالص
ضياء : ماشى امتى ؟
صلاح: أى وقت انا فاضى
ضياء: ماتيجى معايا عند شريف .. انا رايحله انهاردة
صلاح: ماشى الساعة كام كدا
ضياء: لما أوصل هرنلك
صلاح: ماشى .. هجيب معايا محاضرات الصقر
ضياء: اى ورق عندك هاته
صلاح: ماشى
ضياء: سلام
صلاح: سلام

Boomp3.com
----------------------
ماشى فى احد مناطق شارع فيصل و حاطط السماعة فى ودنى
" دعي الأحزان يا أمي و غذينى و غذينى ...
بحب الله يزهر في شرايينى
ولا تبكي على ماض يعذبنا فما العبرات بعد اليوم تجدينى"

وصلت تحت شباك بيت شريف و برنله .. بصلي وحدفلى المفتاح عشان ادخل
طلعت فوق لقيتهم بيلعبو برو ايفلوشن على الكمبيوتر
صلاح: قشطة مين الى شايل الطين دا ؟
شريف: الزبون طبعا
صلاح: 4 بس ؟؟ :D
ضيا: و الله يبنى كفتة
و الجون الخامس ييجى من انفراد لراؤول
ضيا: خلاص كدا هي قفشت
صلاح: طب يلا عشان نزاكر
ضيا : خلاص الماتش قرب يخلص
ضيا: شريف عايزك تظبطنا شاي
شريف راح يملا الغلاية مية و ضياء قاعد يدندن
" براغيت .. تقرصنى فى دماغي .. انا عايز اروح البيت .. ماما
براغييت .. ماشيالى جوايا .. عاملالى حباية .. مانا مرمى جنب الحيط "
صلاح: ههههههههههههههههه ايه براغيت دى ؟
ضياء: دى اغنية واحد عاملها تريقة على تامر حسنى
صلاح: فقرية طحن
شريف جاب الشاى و الكتب و الملازم اتفرشت .........
ضياء : اول حاجة طريقة السمبلكس هل هى تعظيم ولا تدنية ؟؟ نحل الاول واحدة على التعظيم
صلاح: يالهوى صعبة قوى البحوث دى .. و الجزء بتاع جمال صابر ايه ظروفه ؟
ضياء: لا سهل مفهوش حاجة .. لو حليت التطبيقات تبقى انت كدا برنس
ضياء: ماتشغلنا حاجة يا عم نسمعها
Boomp3.com

صلاح: ايه الى مشغله دا ؟
ضياء : اغنية جامدة اسمها كومى توا
صلاح: ايه القرف دا اقفلها يا عم
ضياء : لا لا لا معلش خليها
شريف: حد جاى محمدى ؟؟
صلاح: قشطة .. انا عايز اكل
ضياء: حد يعزمنى
صلاح: و ماله .. يلا يا شريف قوم اطلبه
شريف: عايزين ايه طيب
صلاح: هاتلى واحدة سجق
ضياء: وانا سجق بالفلفل و هات واحدة كريمة ننصص فيها
شريف: قشطة عليك و انا هاخد سوسيس
صلاح: قوم يا ضيا ازنجفك ماتش على ما الفطير ييجى
ضيا : يلا
صلاح : هتاخد مين ؟
ضيا : اى سى ميلان
صلاح: و انا هاخد فرنسا
صلاح: انجززززززز نص ساعة بتعمل الخطة ؟ و فى الاخر بتشيل الطين و الطحين
ضيا: دانا هقطعك
الماتش يخلص 3-0 لصلاح .. جونين لهنرى و جون زيدان
ضيا: معلش يا شريف نلعب ماتش كمان
شريف : هأ هأ هأ قوم يا كتكوت
شريف ياخد ريال مدريد كالعادة و صلاح فرنسا
و الماتش يخلص 2-0 لصلاح جون هنرى و جون ويلتورد
صلاح: خن خن خن خن ههههههههههههههههه
شريف وشه يحمر و مش عارف يتكلم
ضيا: حظييييييييييييييييييييظ .. بركاتك يا صلاح
شريف: مش ممكن الحظ دا ؟؟ شفت كام كورة فى العارضة و هو كورتين يجة منهم جونين
صلاح: حظ مين يبنى دا احتراف
ضيا: يلا طيب نكمل المحاضرة دى عشان نلحق نروح
والدة شريف بتنادى عليه و يخرج من الاوضة
صلاح: غير بقى أم الاغنية دى زهقتنى منها
Boomp3.com
ضيا: لا لا معلش خليها .. بقولك معاك نشيد "انا مسلم"
صلاح: لا شيلته .. مانت زهقتنى منه برضه
ضيا: ابقى هاته طيب
شريف يدخل الاوضة و معاه مادا ابن اخته
ضيا يقوم و يروح يشيل مادا
ضياء: ازيك يا مادا ؟ ازيك يا مادا ؟
مادا: عمو ضياء
صلاح: تعال يا مادا عشان نتصور
مادا: ثوَر مادا .. ثوَر مادا
Boomp3.com

ضيا : يلا يا شريف عشان نمشى
زاكرنا شوية و لعبنا كتير و اكلنا فطير من المحمدى و حان وقت الرحيل

صلاح: سلام يا شريف
شريف: سلاام
ضيا : هبقى اكلمك اقولك هجيلك امتى
شريف: ماشى انا فاضى يوم الخميس
ضيا: ماشى سلام

و امشى انا و ضيا من المساحة لحد الطالبية نتكلم
ضيا : انا خايف قوى بعد ما اتخرج ملاقيش شغل
صلاح: لا يعم متخافش هتلاقى ان شاء الله

ضياء: بس انا مبسوط قوى اننا علطول بنتقابل مع ان الاول مكنتش فاكر اننا ممكن نكون اصحاب
صلاح: ليه يعنى
ضياء: يعنى كنت بحس انك تنك شوية و مش فريندلى كدا مع الناس
صلاح: يا راجل
ضياء: المهم بعد ما نتخرج هنتقابل برضه ولا ايه
صلاح: اكيد يا عم ان شاء الله
Boomp3.com

" لون القمر حزين .. بعيونه في دموع
و عيونه في حنين دايب بشموع
ارجعلي بعد سنين دخيلك يا غالي
"
comme toi .. comme toi

Good Old Days

In the memory you'll find me

Eyes burn me up

The darkness holding me tightly

until the sun rises up